Іс-шараға азаматтық істер жөніндегі сот алқасының төрағасы Манат Көміршинов, облыстық сот судьялары, «ARBITRATION OF OIL CAPITAL» ЖШС-гі, Атырау облысы бойынша заң консультанттары палатасы және Атырау облысы адвокаттар алқасының өкілдері қатысты. Аудандық және оған теңестірілген соттардың төрағалары мен судьялары онлайн режимде қатысты.
Өз сөзінде модератор М.Көміршинов іс-шараның маңыздылығына тоқталып, кездесудің аталған тақырыпқа қатысты проблемалық мәселелерді бірлесіп талқылау және оларды шешудің бірыңғай жолдарын қабылдау үшін ұйымдастырылғанын атап өтті.
Модератор дауларды шешудің балама тәсілдерінің маңыздылығымен қатар, арбитраж дауларды соттан тыс шешудің орталық буыны болып табылатынын қатысушылардың назарына жеткізді.
«Еліміз тәуелсіздік алғаннан бері Арбитраж және аралық соттар институты орасан зор заңнамалық өзгерістерге ұшырауда. Дамыған елдердегі жанжалдарды реттеудің заманауи эпопеясы шағын талқылау арқылы және арбитраждың қатысуымен өтеді. Өз кезегінде, арбитраждың қызметі көбінесе олардың мемлекеттік соттармен өзара әрекеттесуіне байланысты, онсыз әлемнің кез-келген елінде арбитраждың сәтті дамуы мен қызметін елестету мүмкін емес. Арбитраж дауларды реттеу нысандарының бірі ретінде соттан тыс дауды шешу арқылы соттардың жүктемесін азайту үшін татуластыру рәсімдерімен қатар белсенді түрде ілгері жылжуда», - деп толықтырды М.Көміршинов.
Арбитраждың қарауына жататын істер, осы бағытта туындайтын проблемалық мәселелер туралы Атырау облыстық сотының судьясы Анаргүл Салихова баяндады.
Қазіргі уақытта арбитр болып қызмет атқаратын отставкадағы судья Гүлнар Нұржігітова өз баяндамасында «ARBITRATION OF OIL CAPITAL» ЖШС-нің құрылуы, оның қызметі және арбитраждың артықшылықтары туралы айтып өтті.
Атырау облысының мамандандырылған ауданаралық экономикалық сотының судьясы Гүлназ Турганова арбитраж шешімдерін мәжбүрлеп орындатуды қолдану мәселелері бойынша сот тәжірибесіне тоқталды.
Дөңгелек үстел қорытындысы бойынша ұсынымдар жасақталды.
